Россиядә 52 меңгә якын кеше эшсез калырга мөмкин
2019 елның икенче кварталында 2018 елның шул ук чоры белән чагыштырганда 5,5 меңгә кимрәк кешене эштән кыскарту көтелә.
Россиядә 52 меңгә якын кеше сентябрь ахырына кадәр эшсез калырга мөмкин. Бу турыда «Известия» хәбәр итә.
2019 елның икенче кварталы ахырына кадәр Россиядә эшсезләр саны 51,6 мең кешегә артырга мөмкин. Бу хакта Росстат документында әйтелә.
Росстат мәгълүматларын буенча, бигрәк тә Үзәк (11,8 мең), Идел буе (11,3 мең), Себер (6,8 мең) һәм Көньяк федераль округларда (6,3 мең кеше) яши торган гражданнар эшсез калырга мөмкин.
Шул ук вакытта 2019 елның икенче кварталында 2018 елның шул ук чоры белән чагыштырганда 5,5 меңгә кимрәк кешене эштән кыскарту көтелә.
Следите за самым важным и интересным в Telegram-каналеТатмедиа
