Бөгелмәдә бу елның беренче авыл хуҗалыгы ярминкәсе якшәмбе көнне үтәчәк

Ул "Ленин урамы, 129" адресында, "Воздвиженский" агропромпарк территориясендә (Райпо базасы, элеккеге йомырка базасында) эшләячәк.

Ярминкәдә Татарстанның Көньяк-көнчыгыш районнарының алдынгы авыл хуҗалыклары, фермерлары, шәхси хуҗалыклар, азык-төлек һәм эшкәртү сәнәгате предприятиеләре кулланучылар кооперацияләре халыкка ит, сөт, балык, яшелчә продукцияләре, урман күчтәнәчләре, кул эшләнмәләре һәм башка товарлар тәкъдим итәчәкләр.

Язның беренче бәйрәме - Халыкара хатын-кызлар көне алдыннан файдалы һәм экологик чиста продукция сатып алу мөмкинлеген кулдан ычкындырмагыз. Ә волонтёрлар өлкән яшьтәгеләргә, физик мөмкинлекләре чикле кешеләргә сатып алган әйберләрен өйләренә кайтарып бирергә булышачак.

Сезне 5 март көнне иртәнге сәгать 8дә көтеп калабыз. Бәйрәм алды ярминкәсенә рәхим итегез!

Ләйсән ЙОСЫПОВА әзерләде.