Якташыбыз Бөгелмәне космостан котлады

Россия космонавты, "Роскосмос" космонавтлар отряды сынаучысы якташыбыз Алексей Овчинин турыдан-туры элемтә вакытында эфирга чыкты һәм бөгелмәләрне 235 еллык шәһәр юбилее белән котлады. Аның котлавын халык "BugulmaFest" фестивале барышында зур экраннар аша карый алды.

-- Бөгелмә халык традицияләрен саклаучы, зур тарихлы, мәдәниятле җир. Нәкъ биредә Татарстан нефтен чыгаруга нигез салына башлаган. Без киләчәктә шәһәрегезнең чәчәк атуын, ә сезгә космик сәламәтлек, бәхет, шәп кәеф теләп калабыз", -- дип узды космонавт үз чыгышында. Бу сүзләр үзәк мәйданда алкышларга күмелде.