Бөгелмәдә - Яз һәм хезмәт бәйрәме

1 май көнне Техника йорты каршында Яз һәм хезмәт бәйрәменә

багышланган митинг узды.

Анда Бөгелмә шәһәр предприятиеләренең

профсоюз, җәмәгатьчелек оешмаларының вәкилләре катнашты.

- 1 май профсоюзлар өчен һәрвакыт эшләүчеләрнең теләктәшлек бәйрәме

булып сакланып килә. Аны туксанынчы елларда Яз һәм хезмәт бәйрәме дип

атадылар, ләкин без профсоюз оешмалары бу көнне берләшү, хезмәтенә карап

акчасы түләнсен өчен тырышучылар көне дип кабул итәбез. Безнең таләпләр

елдан-ел бер үк булып кала бирә. Бу профсоюзларның берләшү мөмкинлеге, лаеклы

хезмәт һәм хезмәтне саклау, – ди “Бөгелмә профсоюзлар федерациясе”

җәмәгатьчелек берләшмәсе рәисе Марина Грачева.

Митинг яшьләр тарафыннан оештырылган флешмобтан башланып китте.

Аннары халык алдында “Бөгелмә профсоюзлар федерациясе” җәмәгатьчелек

берләшмәсе рәисе Марина Грачева, “Бердәм Россия” партиясенең “Яшь

гвардиячеләр” җәмәгать оешмасының Бөгелмә штабы җитәкчесе Алексей

Мухалев, “Бөгелмә электр насослар заводы” профсоюз комитеты рәисе Сергей

Сазонов чыгыш ясады.

Рәсми чыгышлар тәмамланганнан соң, митинг бәйрәм концерты белән дәвам

итте.