Иң яхшы хезмәткәрләргә грамоталар һәм Рәхмәт хатлары тапшырылды.
Россия Эчке эшләр министрлыгының Бөгелмә районы буенча бүлегендә миграция хезмәтенең 307 еллыгы уңаеннан тантаналы киңәшмә узды.
Миграция бүлекчәсе хезмәткәрләрен Бөгелмә районы буенча Эчке эшләр бүлеге җитәкчесе полиция полковнигы Ленар Сәлимгәрәев котлады. Ул гражданнарны документлаштыру, дәүләт хезмәтләре күрсәтү һәм миграция законнарын үтәү мәсьәләләрен көн саен хәл итә торган хезмәт хезмәткәрләре эшенең мөһимлеген билгеләп үтте.
Иң яхшы хезмәткәрләргә намуслы хезмәтләре, профессиональлекләре һәм вазифаларына җаваплы караулары өчен мактау грамоталары һәм Рәхмәт хатлары тапшырылды.
Һөнәри бәйрәмегез белән! Сезгә хезмәтегездә уңышлар, хезмәттәшләребез һәм гражданнарыбызның ихтирамын, ныклы сәламәтлек һәм яңа казанышлар телибез.
