Бөгелмәдә мөселман хатын-кызлары “Нурия” клубының 10 еллыгын бәйрәм итә

"Нурия" клубы үткән шушы ун ел дәвамында Бөгелмә төбәгенең мөселман хатын-кызлар җәмгыятен үстерүгә һәм ныгытуга өлеш кертеп килә.

Бүген - 8 гыйнварда Татарстанның Бөгелмә шәһәре һәм районы мөселман хатын-кызлары җирле "Нурия" клубының 10 еллыгына багышланган җыен уздыра. Әлеге вакыйга уңаеннан бәйрәм чарасы 9.30 сәгатьтә Бөгелмәнең Үзәк мәчетендә башланачак. Сәламәт яшәү рәвешен таныту, дөрес туклану, әхлак-тәрбия мәсьәләләрен хәл итү, дини, мәдәни чаралар оештыру белән шөгыльләнүче "Нурия" клубы үткән шушы ун ел дәвамында Бөгелмә төбәгенең мөселман хатын-кызлар җәмгыятен үстерүгә һәм ныгытуга зур өлеш кертеп килә, дип хәбәр итә Бөгелмә районы мөхтәсибәте матбугат хезмәте.