Җилдән җитез җилдерәм!

"Ялкын" социаль приюты белгечләре, җәйге чорда шәһәр урамнарында йөргәндә куркынычсызлык кагыйдәләрен үтәргә тиешлекләрен яхшырак үзләштерсен өчен, кечкенә балалар белән махсус уен оештырырга булдылар.

-Файдалы ял итү чарасы велосипедта йөрү тәртибенә багышланган иде һәм ул матур рәсемнәр, кызыклы табышмаклар, сюрпризларга бай булды, - дип хәбәр итә безгә социаль педагог Миләүшә Князькина. - Мәктәпкәчә яшьтәге балалар велосипедта кайсы юлда йөрергә ярый, ә кайсысында ярамый икәнлеген, юл үзенчәлекләрен өйрәнделәр. Өйрәнгән кагыйдәләрне алар велосипедта йөргәндә гамәлдә ныгыттылар. Шулай ук нәниләргә велосипед юлында гына түгел, ә олы юлда, урамда үз-үзеңне ничек тотарга икәнлекләре турында да сөйләнелде.