Бөгелмәнең тагын бер авылында ачык спорт мәйданчыгы барлыкка киләчәк

Бөгелмә муниципаль районының Зеленая Роща авылында 2023 елда спортның уен төрләре белән шөгыльләнү һәм актив ял итү өчен универсаль ачык спорт мәйданчыгы төзеләчәк. Максат - авыл җирлегендәге балалар һәм яшүсмерләр арасында сәламәт яшәү рәвеше белән кызыксынуны арттыру. Мәйданчык волейбол, баскетбол, мини-футбол һәм башка спорт төрләре өчен билгеләнәчәк.

Зеленая Роща авыл җирлеге территориясендә яңа спорт объектын төзү «Татнефть» ААҖ хәйрия фонды грантлары конкурсында «уңайлы спорт» максатчан программасында җиңү нәтиҗәсендә мөмкин булды.