Бөгелмә районында “Лермонтов поэзиясе көне” үтте

М.Ю. Лермонтовның тууына 205 ел тулуга багышланган “Лермонтов поэзиясе көне” төбәкара акциясе кысаларында, Акбаш авыл китапханәсендә “Аның исеме беркайчан да үлмәс...” дип исемләнгән әдәби кунакханә үткәрелде.

Презентация слайдларын караганда, балалар шагыйрьнең тормыш һәм иҗатының кызыклы фактлары белән таныштылар, Лермонтовны шагыйрь буларак кына түгел, рәссам, музыкант буларак та ачтылар. Укучылар бөек рус шагыйренең шигырьләрен сөйләделәр, кемдер сайлап алынган әсәрне тәкъдим ителгән китаплардан укыды, ә кемдер Лермонтов әсәрләренең юлларын искә алды.

Эльза ХАННАНОВА,

Акбаш авылы китапханәчесе

Автор фотосы