Концерт Татарстанда милли мәдәниятләр һәм гореф-гадәтләр елы кысаларында узды.
Бөгелмә Техника йортында мордва халык фольклор ансамбленең «Валдо Чи» отчет концерты узды. Аның җитәкчесе - ТРның атказанган мәдәният хезмәткәре Галина Рыжова, музыка җитәкчесе – Алексей Жернаков.
Коллектив башта мордва мәдәниятен яратучылар клубы буларак эшли башлый, 2003 елдан иҗат коллективына әверелә. Ансамбль составында төрле яшьтәге кешеләр-5 яшьтән 75 яшькә кадәр. Аларны гореф – гадәтләрне, йолаларны саклау якынайтты.
Бүген халык ансамбле - Бөтенроссия һәм республика конкурслары лауреаты, халыкара фестивальләр, Мордовиядә мордва мәдәнияте бәйрәмнәренең даими кунагы, Казанда «Безнең йортыбыз –Татарстан» Республика фестиваленең Гала-концертында катнашучы.
Концерт Татарстанда милли мәдәниятләр һәм гореф-гадәтләр елы кысаларында узды.