Татарстанда эшкуарлар өчен бушлай курслар узачак

Татарстан эшкуарларына бушлай экспорт эшчәнлеге курслары оештырылачак, дип хәбәр итә ТР Эшкуарлыкка ярдәм итү фонды.

Программа экспортка сатарга яки бу юнәлештә сатуны арттырырга җыенучы кече һәм урта бизнес вәкилләренә юнәлдерелгән.

Укулар “Россия экспорт үзәге” АҖ Экспорт мәктәбе программасы буенча көндезге форматта узачак. Халыкара сөйләшүләр, тышкы сәүдә контрактын төзү, таможня рәсмиләштерүе, логистика процессларын оптимальләштерү һәм валюта түләүләрен алу кебек төп темаларга модуль принцип буенча төзелгән 11 семинар үткәрү планлаштырыла.

Катнашу өчен теркәлү түбәндәге сылтама буенча башкарыла: https://exportedu.ru/events/2928.