Бөгелмә халыкны эш белән тәэмин итү үзәгендә өйрәнүләр узды
Бөгелмә халыкны эш белән тәэмин итү үзәгендә террорлык акты янаган очракта каушап калмау максатыннан эвакуация буенча өйрәнүләр узган.
Бу атна башында Бөгелмә шәһәре халыкны эш белән тәэмин итү үзәгендә террорлык акты куркынычы туганда хезмәткәрләрне һәм бирегә килүчеләрне эвакуацияләү буенча күнекмә үткәрелде.
Терроризмга каршы эвакуация буенча дәрес кешеләрне урамга чыгару күнегүләре белән үткәрелде. 15.00 сәгатьтә шикле пакет табып алынды һәм кичекмәстән үзәк директорына хәбәр ителде. Мәшгульлек үзәге хезмәткәрләре 3 минут эчендә эвакуация үткәрделәр. Җыелу урынында хезмәткәрләрне тикшерү үткәрелде.
Хезмәткәрләрне эш белән тәэмин итү үзәге бинасыннан чыгару оешкан төстә, эвакуацияләнүчеләрнең үз-үзләрен тоту кагыйдәләре, хезмәткәрләрнең эвакуация вакытында гамәлләре турында инструкцияләр нигезендә башкарылды.
Нәтиҗә: укыту күнегүләре тәртип бозуларсыз, инструкцияләр нигезендә үткәрелде һәм уңай динамиканы күрсәтте.
Фото Бөгелмә шәһәре халыкны эш белән тәэмин итү үзәге челтәреннән алынды
Следите за самым важным и интересным в Telegram-каналеТатмедиа
