Бөгелмәлеләр автомобильдән баш тартырлармы?

22 сентябрь бөтен дөньяда Автомобильсез көн буларак билгеләп үтелә.

Әлеге акциянең төп максаты - автомобильләрнең әйләнә-тирә мохиткә тискәре тәэсире турында җәмәгатьчелекнең исенә төшерү һәм кешеләрне шәһәр-авылларда йөрү өчен автомобильләрдән сирәгрәк файдаланырга өндәү. Ә бит машиналарның искиткеч күп булуы зур шәһәрләр проблемасы гына түгел. Бүген авыл җирендә дә йорт саен диярлек машина. Байтак гаиләләрдә әле берничәшәр. Автотранспорт исә планетаның биосферасын җимерә, кеше организмына әйтеп бетергесез зыян сала. Белгечләр әйтүенчә, автомобиль көн саен 3 меңнән артык кешене үтерә.

Бөгелмәлеләр, шулай ук, үткән елларда әлеге акциядә актив катнаштылар. Быел ничек булыр - анысын вакыт күрсәтер. Димәк, иртәгәге көнгә өмет зурдан...