Гаепле булып зыян күрүченең туганы булып чыккан.
Россия Эчке эшләр министрлыгының Бөгелмә районы буенча бүлегенә җирле кеше 40 мең сум акча урлау турында гариза белән мөрәҗәгать иткән.
Оператив-эзләү чаралары барышында полиция хезмәткәрләре зыян күрүченең икетуган абыйсының җинаятькә катнашы барлыгын ачыклаган. Ир-ат гаилә тәртибен белгән һәм 1 сентябрьдә, туганнары кибеткә киткәнен көтеп, аларның йортына кергән.
Ул йокы бүлмәсендә акчалы китап тапкан һәм аны койма артына яшергән. Йорт хуҗалары кайткач, акчаны алып киткән. Урланганның бер өлешен кибеттә сарыф иткән. Икенче көнне зыян күрүче югалуны ачыклаган һәм полициягә мөрәҗәгать иткән. Полиция хезмәткәрләре булган хәлнең шартларын ачыклаган, шуннан соң шикләнелүче үз гаебен таныган.
Тикшерүчеләр тарафыннан РФ Җинаять кодексының 158нче маддәсенең 2нче өлешендә каралган җинаять билгеләре буенча җинаять эше кузгатылган («Урлау»). Кирәкле тикшерү эшләре алып барыла.
