Бөгелмә Пенсия фонды идарәсендә – яңа җитәкче

11 март көнне Бөгелмә Пенсия фонды идарәсендә киңәшмә булып узды. Анда 32 ел дәвамында идарәгә җитәкчелек иткән Зоя Калинны лаеклы ялга озату һәм, шул сәбәпле, яңа җитәкчене билгеләү тантаналары булды.

Бөгелмә муниципаль районы башлыгы, шәһәр мэры Линар Закиров Зоя Федоровнаның эшчәнлегенә югары бәя биреп, аңа сәламәтлек теләде. "Сез безнең өчен остаз булып каласыз. Урыныгызга яңа кеше эзләгәндә безгә бик кыен булды. Яңа җитәкче ышанычны аклар һәм сезгә лаеклы алмашчы булыр дип ышанам", - диде һәм коллективка яңа кешене - озак еллар хакимияттә төрле җаваплы урыннарда эшләгән Елена Дмитриевна Игнатьеваны тәкъдим итте.

Әлфия МОСТАФИНА.