«Бөгелмә ЮХИДИ" телеграм-каналында машина йөртүчеләргә кышкы сезонга әзерлек турында искә төшерәләр
Шәһәр халкы исерек шоферларга һәм башка юл хәрәкәте кагыйдәләрен бозу очракларына аноним шикаятьләр җибәрә ала.
Бөгелмәдә исерек хәлдә руль артына утыру фактлары турында язарга һәм юл хәрәкәте кагыйдәләрен бозуга кагылышлы башка сораулар бирергә мөмкин булган телеграм-канал булдырылды. Барлык хәбәрләр дә тикшереләчәк. Мөрәҗәгатьләр аноним рәвештә бастырыла.
Каналда автомобиль шиннарын кышкы вариантка алыштырырга киңәш итәләр.
- Бөгелмәдә кар яуды инде, шуңа күрә ерак юлга чыгарга җыенучыларга резинаны алыштыру комачауламаячак, - диелә хәбәрдә.
Әмма шиннар алыштыру гына юлларда куркынычсызлыкны тәэмин итми, дип язалар «Бөгелмә ЮХИДИ»дә. Кайчагында хәтта иң яхшы кышкы резина да көчсез калырга мөмкин, әгәр машина йөртүчеләр юл хәрәкәте кагыйдәләрен тупас бозса, тизлек режимын үтәмәсәләр яки кискен маневрлар ясасалар.
Следите за самым важным и интересным в Telegram-каналеТатмедиа
