Бөгелмәлеләр “Иң яхшы авыл клубы һәм авыл мәдәният йорты" республика конкурсының зона этабында катнаштылар

 Анда Татарстан Республикасының 7 муниципаль районыннан клуб оешмалары катнашты.   

Конкурсны Татарстан Республикасы Мәдәният министрлыгы һәм “Республика традицион мәдәниятне үстерү үзәге” дәүләт бюджет учреждениесе оештыра.  

Бөгелмә муниципаль районыннан “Үзәкләштерелгән район клублар системасы” муниципаль бюджет учреждениесенең дүрт клуб учреждениесе катнашты:   

- “Халкы 200 кешегә кадәр булган торак пунктның авыл клубы” номинациясендә Ефановка авыл клубы (мөдире Кочеткова Ольга Александровна),   

- “Авыл клубы, авыл мәдәният йорты” номинациясендә - Яңа Александровка авыл Мәдәният йорты (мөдире Богданова Нэлли Витальевна),   

- “Халкы 500 кешегә кадәр булган торак пунктның авыл клубы, авыл Мәдәният йорты номинациясендә - Соколка авыл мәдәният йорты (мөдире Солтанова Ольга Владимировна),   

- “Халкы 500 һәм аннан да күбрәк кешесе булган торак пунктның  авыл Мәдәният йорты ” номинациясендә - Кече Бөгелмә авыл мәдәният йорты (мөдире Рыжакова Марина Александровна).  

        Зона этабы программасы өч өлештән торды. Беренче булып конкурста катнашучылар жюри тарафыннан үз мәдәни-ял учреждениеләренең папка-портфолиоларын тәкъдим иттеләр, икенчесендә клуб учреждениеләре мөдирләренең телдән яклавы булды, соңыннан авыл мәдәният йортлары һәм авыл клублары коллективлары катнашында зур концерт программасы булды. Чын-чынлап конкурентлы көрәш башланды, барлык учреждениеләр үзләренең иң яхшы иҗади номерларын күрсәттеләр һәм үз районнарын лаеклы тәкъдим иттеләр.   

Конкурсның йомгаклау этабы киләсе атнада булачак, анда конкурсның сигез зона этабында җиңүчеләр катнашачак.  

Алёна ЛИХАЧЁВА  

О. СОЛТАНОВА фотосы