Без коррупциягә каршы!

"Яңарыш" физик мөмкинлекләре чикле балаларны һәм яшүсмерләрне тернәкләндерү үзәгендә эшләүче хезмәткәрләр һәм социаль хезмәтләрдән файдаланучылар өчен 9 декабрьдә билгеләп үтелә торган Коррупциягә каршы көрәш көне уңаеннан махсус чара узды.

Коррупциягә каршы тискәре караш формалаштыру, хокукый аң-белем һәм культура дәрәҗәсен күтәрү максатында оештырылган бу чара кысаларында, башта социаль хезмәтләрдән файдаланучылар әлеге учреждениедә аларның коррупция күренешләренә юлыгу-юлыкмавын ачыклый торган анкета тутырдылар.

Аннары оешма директоры Елена Старостина ата-аналарга социаль хезмәтләрдән дәүләт порталы аша файдалану мөмкинлекләре турында сөйләде, кызыксындырган сорауларга җавап бирде. Ә хезмәткәрләр "Коррупция турында без ни беләбез" дигән темага танып-белү викторинасында катнаштылар, дип хәбәр итә безгә социаль педагог Ирина Вдовина.