Бөгелмәлеләр спортта сынатмый

Казан шәһәренең "Батыр" дзюдо үзәгендә 2001 - 2002 елгы егет һәм кызлар арасында Татарстан Республикасы беренчелеге үтте. Ярышта республиканың 11 шәһәреннән 215 спортчы катнашты. Бөгелмәнең "Факел" балалар һәм яшүсмерләр спорт мәктәбендә тәрбияләнүче Павел Кислинский 100 килограммннан артык авырлык категориясендә көмеш бүләккә ия булды. Ул дзюдо буенча Идел буе федераль округы беренчелегендә Татарстан данын якларга юллама алды. Әлеге ярышлар сентябрь азагында Чабаксарда үтәчәк. Спортчыны Илдар Фәттахов тәрбияли.