Күңелне чистарту тәүбә кылудан һәм иман китерүдән башлана

Пәйгамбәребез Мөхәммәд Мостафа салләллаһу галәйһивәссәлам көнгә, кимендә, 100 мәртәбә: "Ләә иләәһә иләллаааһ" һәм 100 мәртәбә: "Әстәгъфируллаһ", - дип әйтә торган булган. Ә безгә күпме тиеш? Безгә ун мәртәбә артыграк әйтсәк тә таманга гына туры килер. Сөннәтне үтик дисәк, йөз мәртәбә үзебез дә әйтү, теле ачылу белән баланы да шуңа гадәтләндерү кирәк. Бала, гадәттә, "р" авазын авыр әйтә, "Ләәә иләәһә илләллаааһ" кәлимәсендә һәм "Ихлас" сүрәсендә "р" авазы юк. Аллаһ аны безгә ничек җиңел кылган.