Бөгелмәлеләр өчен йолдызнамә (8-14 февраль)

11 февральдә яңа ай туа. Мөгаен, бу көнне сезне күңел төшенкелеге биләп алыр. Хроник авырулары булган кешеләр өчен җиңел вакыт түгел. Кәеф бик яхшыдан булмас, моңа кадәр кул җитмәгән эшләр белән шөгыльләнегез. Алар сезгә күп мәшәкать тудырмаслар, ләкин уйланып утырудан коткарырлар.

12 февральдән 14 февральгә кадәр ай үсә. Бу вакыт җитди финанс эшләре, зур ниятләрне тормышка ашыру, күчемсез милек, иминият, мирас, салымнар белән бәйле проблемаларны хәл итү өчен уңай. Чит ил һәм чит ил кешеләре белән эшләр уңышлы булачак. Зур әйберләр сатып алу да отышлы булырга тиеш.

Кучкар. Элек мөмкин булмаган эшләр хәзер барып чыкса, гаҗәпләнмәгез. Бигрәк тә бу профессиональ эшчәнлеккә кагыла. 12 февральдән 14 февральгә кадәр матди керем көтелә. Аларны үзегезгә түгел, якыннарыгызга тотыгыз. Ул сезгә тагын да күбрәк яхшылык булып кайтачак!

Үгезбозау. Сезгә романтик кәеф тәэмин ителгән! Ир-атлардан комплиментлар һәм бүләкләр кабул итәргә әзер булыгыз. Хәзер зур эшләр башларга һәм җитди килешүләр төзергә киңәш ителми. Бу вакытны җанга һәм тәнгә файда белән үткәрү, күптән хыялланганча ял итү яхшырак.

Игезәкләр. Зур булмаган пауза ясарга вакыт. Якыннарыгыз белән ызгышлар чыгарга мөмкин, аларның озакка сузылуы ихтимал. Үзегезне хаклы дип санасагыз да, мәрхәмәтлерәк булыгыз. Киләчәктә бу сезгә яхшылык булып кайтыр.

Кысла. Вак-төякләрне игътибарга алыгыз! Сезнең уңышыгыз нәкъ менә аларга бәйле булачак. Эштә хезмәттәшләрегез белән азрак аралашыгыз: алар сезгә карата ниндидер начар нәрсә ниятлиләр. Юлда сак булыгыз: 11 февральдә, гомумән, руль артына утырмау хәерле.

Арыслан. Барлык көнкүреш мәсьәләләрен хәл итәргә алынып карагыз. Бу ремонт өчен уңайлы чор. Күбрәк китаплар укырга тырышыгыз, шәхси үсеш курслары да файдалы булачак: бу – үзлегеңнән үсү һәм камилләшү өчен бик яхшы вакыт.

Кыз. 12–14 февраль көннәрендә кызыклы тәкъдим алсагыз, аннан баш тартмагыз! Яраткан кешегез гаҗәпләндерергә мөмкин, өстәвенә, бик үк яхшы яктан түгел. Кызмагыз, карарларны уйлап кабул итегез. Бу чорда үзегезнең хәлегезгә игътибарлы булыгыз.

Үлчәү. Сезнең үзбәягез кими. Аны күтәрергә вакыт! Матурлык салонына барыгыз, дусларыгыз белән очрашыгыз, мөмкинлек булса – яңа мөнәсәбәтләр башлагыз. Акчагызны юкка-барга тотмагыз. Йолдызлар аркагыз белән сак булырга киңәш итә!

Чаян. Тирәгездә начар ниятле кешеләр барлыкка килә калса, каршы торырга әзер булыгыз. Хәтта җитәкче белән бәхәсләрдә дә үз фикерегезне яклаудан курыкмагыз. Матди кыенлыклар булуы мөмкин, ләкин сез аларны җиңәрсез. Мәхәббәт өлкәсендә йолдызлар татулык югалу ихтималын фаразлый.

Укчы. Һичшиксез, хәзер юлга чыгыгыз. Бу кечкенә генә сәфәр дә булырга мөмкин: иң мөһиме, өйдә калмагыз. Әгәр сезгә ярдәм сорап мөрәҗәгать итсәләр, әдәпле генә кире кагыгыз. Аның каравы, балаларга игътибарлырак булыгыз! Мөһим бернәрсәне дә күз уңыннан ычкындырмас өчен аларның үз-үзләрен тотышын күзәтегез.

Кәҗәмөгез. Хезмәт урынында бик күп эш көтелә. Барысын да башкарып чыгу өчен йорт мәшәкатьләрен вакытлыча калдырып торыгыз. Гаиләле Кәҗәмөгезләргә йолдызлар компромисска ешрак барырга киңәш итә. Югыйсә, гаиләдә талаш озакка сузылачак. Ялларда шәһәрдән читкә чыгыгыз – бу иң яхшы карар булачак.

Сукояр. Тискәре хис-кичерешләрне үзегездә тотмагыз, бушаныгыз. Иң мөһиме, якыннарыгыз арасында түгел. Үз хәлегезгә игътибарлырак булыгыз. Күбрәк ял итегез. Хәзер спорт белән шөгыльләнергә дә, кырыс диеталар тотарга да киңәш ителми. Организм ял итәргә тиеш!

Балык. Сәламәтлеккә кагылышлы теләсә нинди диагностик процедуралар хәзер информатив булачак. Аларны үтегез! Хезмәт урынында эшләрегезне тупламагыз, аннары аларны хәл итү кыен булачак. Артык көч түкмәгез, югыйсә, иске сызлавыклар үзләрен белдерер, сез вакытлыча сафтан чыгарсыз.