Бөгелмәлеләр, гайбәт сатмагыз!

Бервакыт бөек акыл иясе Сократтан сораганнар:

- Беләсеңме, синең турыда ниләр сөйлиләр?

- Туктап тор, бу турыда сөйләгәнче, миңа сөйләр сүзеңне өч иләк аша уздырыйк әле. Беренче иләк - дөреслек. Миңа әйтер сүзең дөресме?

- Белмим, мин аны ишеттем генә.

- Икенче иләк - яхшылык. Миңа әйтер сүзең яхшы сүзме?

- Юк, киресенчә.

- Өченче иләк - файда. Син әйтәсе сүз минем өчен файдалымы?

- Юк.

- Менә хәзер уйла инде, миңа әйтәсе сүзеңдә дөреслек тә, яхшылык та, файда да юк. Нигә аны миңа әйтеп торырга...

Айгөл ШӘРӘФИЕВА әзерләде.