Газиз Бөгелмәбезгә багышлана

Шәһәребезнең үзәк китапханәсендә "Посвящаю, мой город, тебе..." дип аталган җыентыкны тәкъдир итү кичәсенә әзерләнәләр.

Китап Татарстан Республикасының Рус милли-мәдәни берләшмәсе Бөгелмә бүлеге инициативасы, "Бугульминская летопись" хәйрия фонды ярдәме белән басылды. Әлеге җыентыкка Бөгелмә шәһәренә, аның тарихына, туган якның гүзәллегенә, танылган һәм гади якташларыбызга багышланган әсәрләр, рәсемнәр урын алган; профессиональ рәссамнарның һәм сәнгать мәктәбе укучыларының иҗат җимешләре белән бизәлгән.

Шәһәребез язмышы, аңа мәдхия җырлаган, вакыйгаларын елъязмага теркәүгә өлеш керткән якташларыбызны, алар белән кызыксынучыларны, гомумән. китап сөючеләрне 22 сентябрь көнне 14 сәгатьтә кызыклы һәм үзенчәлекле очрашу көтә.