Бөгелмә "Җир сәгате" акциясенә кушыла

Бөгелмә 24 март көнне, 20.30 - 21.30 сәгатьтләрдә үтәчәк "Җир сәгате" акциясенә кушылачак.

Чараны Бөтендөнья кыргый табигать фонды (WWF) ел саен март аеның соңгы шимбәсендә үткәрә һәм барлык кешеләрне, оешмаларны, мәктәпләрне, муниципаль берәмлекләрне бу вакытта бер сәгатькә утны сүндереп, электр приборларын өзеп торырга чакыра. Ел саен уза торган халыкара «Җир сәгате» акциясендә сез дә катнаша аласыз. Моның өчен 20.30дан 21.30га кадәрле вакыт аралыгында йортларда, фатирларда утны сүндереп тору гына сорала.