Мөселман ир-атларына чәчләрен кара төскә буяу тыела.
Казанның «Гаилә» мәчете имамы Рөстәм Хәйруллин «Татар-информ» агентлыгына биргән интервьюсында шулай дип белдерде.
«Кайбер ир-атлар яшьрәк күренергә тырыша һәм чал чәчләрен карага буйый. Менә миңа әле 40 яшь кенә булса да чәчем ап-ак диярлек. Әйе, кайчакта чал чәчне буярга кирәк дигән уй туа. Ләкин шул ук вакытта ак чәч ир-атны бизи», — дип аңлатты имам.
Ул хатын-кызларга карата мондый тыю юк һәм алар чәчләрен теләсә нинди төскә буйый ала, дип өстәде.
