Спорт – сәламәтлек нигезе

11 февраль көнне теләге булган һәркем чаңгыга баса ала. Чаңгы базасында "Татарстан чаңгысы-2017" чарасы узачак дип хәбәр бирә Бөгелмә муниципаль районының яшьләр эшләре, спорт һәм туризм бүлеге начальнигы Илдар Тәхиятуллин.
Спортчымы син юкмы, анысы мөһим түгел. Яшь буенча да чикләүләр юк. Узган елны иң кечкенә катнашучыга нибары 3 кенә яшь булган. Нәни булуына карамастан, ул катнашучылар өчен билгеләнгән 5 километрлы юлны уза алган. Чаңгыга, спортка битараф булмаган бөгелмәлеләрне 11 февраль көнне сәгать 10 узачак "Татарстан чаңгысы-2017" чарасында көтеп калалар.