Һөнәр белән танышу

“Һөнәрчелек хәрәкәте” иҗади остаханәсе проектын тормышка ашыру кысаларында 1нче урта мәктәптә “Үзәкләштерелгән район клублар системасының “Һөнәрчелек йорты” осталары “Һөнәр синең кулларыңда” дип исемләнгән гамәли халык иҗаты буенча тематик программа белән кунакта булдылар.

Өлкән сыйныф укучылары агач һәм тегү нигезләре буенча мастер-классларда бик теләп катнаштылар. Хәтта кулларын пычратудан да курыкмыйча “чүлмәкче” һөнәрен дә үзләштерделәр.

Очрашу азагында бергәләшеп рус халкының  “бирюльки” уены-ның кагыйдәләрен өйрәнделәр һәм рәхәтләнеп уйнадылар.