Мәктәп аттестатларында “зачет” тамгасы барлыкка киләчәк

Мәктәп аттестатларында нинди үзгәрешләр барлыкка киләчәк соң?

Беренчедән, “Сынлы сәнгать”, “Музыка” һәм “Физкультура” кебек фәннәр өчен мәктәпләр “зачет”ка бәя бирә алачак.

Икенчедән, гаилә тәрбиясе формасында укыган балалар өчен бәя кую тәртибе аныкланды. Беренче тапкыр аттестат биргәндә аларның дәүләт имтиханнарында - ГДИ һәм БДИда алынган билгеләре исәпкә алынырга тиеш булачак.

Тагын бер мөһим үзгәреш 11 нче сыйныф өчен аермалы буларак аттестатларга кагыла. Аларны алу тагын да катлаулырак булачак. Элек барлык фәннәр буенча да яхшы укучы булырга, шулай ук профильле математика һәм рус теле буенча БДИ 70 баллга яки күбрәк тапшырырга кирәк иде. Әгәр чыгарылыш сыйныф укучысы БДИга профильле математиканы түгел, ә база математикасын сайласа, аның буенча “бишле” кирәк иде.

Тагын бер таләп - син тапшырган барлык фәннәрдән дә канәгатьләнерлек нәтиҗә алу. Ягъни алар буенча минималь “уңай” баллар җыярга. Һәр фән буенча күпме балл кирәк? Бу минимумны ел саен Рособрнадзор билгели.

Әйтик, быел физика буенча “өчле” гә 36 балл җыярга кирәк. Җәмгыять белеме буенча - 42.

Тагын проектта аттестатлар дубликатларын бирү өчен нигезләр өстәлә. Алар арасында - фамилиясен һәм җенесен алыштыру.

Иҗтимагый фикер алышу 4 февральгә кадәр дәвам итәчәк, дип хәбәр итә ТР Мәгариф һәм фән Министрлыгы.