Бөгелмәлеләрдән үрнәк алып...

Әле кыш башында гына безнең Бөгелмә шәһәрендә космонавтлар Антон Шкаплеров белән Алексей Овчинин булып киткәннәр иде. Менә инде күршеләребез әлмәтлеләргә дә шундый бәхет елмайган. Яңа ел каникулларында космонавтлар Антон Шкаплеров белән Олег Артемьев гаиләләре белән "ЯН"да ял иткән.

Россия Геройлары Әлмәттә 2016 елның мартында булып киткәннәр иде. Татарстанның нефтьчеләр башкаласы белән космонавтлар арасында күптән дуслык җепләре урнашкан. Алар 2013 елда "Татнефть" флагын һәм нефть тамчысын космоска алып менде (сүз уңаеннан: Бөгелмә әләме дә узган ел космоста булып төште). 2014 елда Әлмәт флагы МКС бортында 169 тәүлек сәяхәт итте. 2015 елда космоста булган су капсуласы "Мирас" бассейны нигезенә салынды.