Бөгелмә мэры Рөстәм Миңнехановны туган көне белән котлады

Бүген, 1 мартта, Рөстәм Миңнеханов туган көнен билгеләп үтә. Бөгелмә муниципаль районы башлыгы Линар Закиров республика Президентына котлау сүзләрен җиткерде:

"Хөрмәтле Рөстәм Нургалиевич!Сезнең энергиягез һәм тормышка уңай мөнәсәбәтегез Татарстан халкында оптимизм һәм иртәгәге көнгә ышаныч тудырсын иде. Сезгә һәм якыннарыгызга ныклы сәламәтлек, бәхет һәм иминлек телим!"

Быел Татарстан Президентының истәлекле датасы, юбилее - 65 ел.

Рөстәм Миңнеханов республика файдасына инде берничә дистә ел эшли: Биектау районы башлыгы, аннары финанс министры, Татарстан премьер-министры вазыйфасында, һәм менә 10 елдан артык Татарстан Республикасы Президенты сыйфатында эшли.