Алексей Песошин шәхсән үзе Бөгелмә ветераннарына юбилей медальләрен тапшырды
Тыл хезмәтчәннәрен Бөек Ватан сугышында Җиңүнең 80 еллыгы уңаеннан бүләкләделәр.
Татарстан Премьер-министры Алексей Песошин район Советы сессиясендә катнашу өчен Бөгелмәдә булды. Чара 2024 ел йомгакларына һәм агымдагы елга бурычларга багышланган иде.
Визит кысаларында республика Хөкүмәте башлыгы тыл хезмәтчәннәренә «1941–1945 еллардагы Бөек Ватан сугышында Җиңүгә 80 ел» юбилей медальләрен тапшырды. Бүләкләр Раиса Петровна Төхвәтуллинага, Мидхәт Минәхмәт улы Идрисовка һәм Зинаида Корниловна Салминага бирелде. Сугыш елларында алар кырларда һәм производствода хезмәт куялар, тылда җиңү яулыйлар.
Алексей Песошин ветераннарны Бөек Җиңүнең якынлашып килүче юбилее белән котлады.
«Безнең бурыч — киләчәк буын җиңүнең нинди бәя белән яулануын белсен өчен бу истәлекне саклап калу», — дип билгеләп үтте Татарстан Республикасы Премьер-министры.
Алексей Песошин ветераннарга сәламәтлек һәм иминлек теләде.
ФОТО: ТР Хөкүмәте матбугат хезмәте
Следите за самым важным и интересным в Telegram-каналеТатмедиа
