“Акыллы җәяүле”

"Яңарыш" физик мөмкинлекләре чикле балаларны һәм яшүсмерләрне тернәкләндерү үзәгендә юл-транспорт вакыйгаларында балаларның күңелсез хәлләргә тарымасын өчен профилактик чаралар уздыруга зур әһәмият бирелә.

- "Безнең Татарстан" дип аталган VI республика күләмендә узган яшьләр форумында катнашып, күнегүләр үткәрү мәйданының макетын тәкъдим итүебез дә әлеге юнәлештә алып бара торган эшебезнең мөһим бер этабы булып тора, - ди тәрбияче Алинә Гаделшина.

- Социаль әһәмияткә ия булган чираттагы чара, ә ул "Акыллы җәяүле" дип атала иде, бәйге-ярыш рәвешендә узды. "Светофор", "Автобус", "Рөхсәт ителә - Ярамый, "Көйләүче" кебек уен ситуацияләрендә юл йөрү кагыйдәләрен искә төшерү, хәтергә яхшырак сеңдерү максат итеп куелды. Балалар беренче чиратта урамда һәм транспортта үз-үзен тоту тәртибен ныклап үзләштерергә тиеш.

Чаралар барышында дустанә аралашулар, бер-берең турында кайгыртучанлык күрсәтү, ярдәмләшү-булышу, уяулык булдыру кебек сыйфатларны үстерүгә дә зур әһәмият бирелде.