Бугульминская газета

Бөгелмә районы

16+
Рус Тат
2024 - год Семьи
Яңалыклар

1 июль-Россиядә хәрби хәрәкәтләр ветераннары көне.

2009 елдан башлап әлеге истәлекле датаны Бөгелмәдә дә билгеләп үтәләр.

Ул әлегә рәсми статуска ия түгел, әмма елдан-ел билгелерәк була бара. Бу Россия өчен көрәшкән, Ватанны саклау буенча үз бурычларын үтәгән барлык кешеләрнең бәйрәме, аларның нинди сугышларда һәм кораллы бәрелешләрдә катнашуы мөһим түгел. Ветераннарга хөрмәт һәм инде исән булмаганнарны искә алу.

Рәсми документларда мондый дата юк. Россиядә хәрби хәрәкәтләр ветераннары көнен оештыруны иҗтимагый оешмалар хәл итте башта «Сугышчан туганлык» бөтенроссия җәмгыяте оешты, соңрак аларга «Россия офицерлары» кушылды. Әлеге датаны гамәлгә кую турында беренче тапкыр 2008 ел ахырында сөйләштеләр. Ә берничә айдан соң, 2009 елда ук, ил буенча алар берләшеп, үз шәһәрләрендә ветераннар җыенын оештырырга булганнар. Дата итеп 1 июльне сайладылар.

Бәйрәмне оештыручылар бүгенге бәйрәмнәр барлык категория ветераннарны да колачламый әле диләр. Бер яктан, 9 май көнне Бөек Ватан сугышында катнашучыларны хөрмәтлиләр. 15 февральдә Әфганстанда сугышкан сугышчы-интернационалистлар җыела. Активистлар башка бәрелешләрдә катнашкан кешеләр турында искә төшермиләр, дип саный. Шуңа күрә алар уртак датаны кертергә телиләр.

Игорь Рощин, Төньяк Кавказдагы хәрби хәрәкәтләрдә катнашучы, запастагы майор:

- 2009 елдан башлап, Бөгелмәдә ел саен 1 июльдә без барыбыз да биредә очрашабыз. Башта – Мәңгелек ут мемориалына, аннары Әфганстанда һәм Чечняда һәлак булган егетләр һәйкәленә чәчәкләр салабыз. Бу көн Россиянең күп кенә шәһәрләрендә, шул исәптән безнең районда да рәсми рәвештә билгеләп үтелә. Бу дата локаль сугышларда катнашкан барлык кешеләрне берләштерә.

Эльдар Рамазанов, Бөгелмә муниципаль районы Десантчылар берлеге рәисе:

- Үзем хәрби хәрәкәтләрдә катнашмадым, әмма мин җитәкчелек иткән оешмада хәрби конфликтларда катнашучы кешеләр тора. Һәм бер генә дә түгел. Шуңа күрә, һәлак булучыларны искә алуны, иптәшләрем белән очрашуны, аралашуны үз бурычым дип саныйм. Бүген бу бәйрәм уңаеннан без десантчылар белән 11 чакрымга марш ясадык: 9нчы километрдан старт алдык, Мәңгелек ут янында финишка булды. Йөгереш 1 сәгать 2 минут дәвам итте. Нормативка сыештык.

Следите за самым важным и интересным в Telegram-каналеТатмедиа

Erid: 2VtzqvEaBmx

Галерея

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса
, ,
Erid: 2VtzqvEaBmx