Бөгелмә районының Үзәкләштерелгән клублар системасы хезмәткәрләре Бөтендөнья тәмәкесез бер көнгә багышланган онлайн чаралар үткәрделәр.

Кешеләргә тәмәке тартуның зыяны һәм сәламәт яшәү рәвешен алып баруга беренче адымны ничек ясарга кирәклеге турында сөйләү, аңлату эшләре алып бару һәм этәргеч бирү бик мөһим.

Сәламәт яшәү рәвешен пропагандалау нияте белән һәм тәмәке тартудан баш тарту максатыннан, Үзәкләштерелгән район клублар системасының структур бүлекчәләре виртуаль акцияләр, видео-зарядкалар, тематик видео-презентацияләр һәм онлайн-мәгълүмат сәгате әзерләделәр. Майның соңгы көнендә ВКонтакте битләрендә социаль челтәрләрдәге интернет-чараларда катнашучылар күп кенә файдалы мәгълүматлар алдылар.  

Эльвира НУРГАЛИЕВА