Кино төне Бөгелмәдә
24 августта бөтен илдә “Кино төне” Бөтенроссия акциясе узды, аны РФ Мәдәният министрлыгы, Кино фонды һәм Россиянең “Мәдәният.РФ” мәдәни мирас порталы оештыра.
Узган шимбәдә күчмә үзәк, акция кысаларында, мәдәни программа тәкъдим итте. Шәһәр халкы һәм кунаклары өчен Яңа Александровка авыл мәдәният йорты иҗат коллективы чыгыш ясады, алар барлык тамашачыларга да онытылмаслык хис-кичерешләр һәм күтәренке кәеф бүләк итте.
Мультфильмнар һәм кино турындагы күңелле тематик викториналар барысын да ил кинематографының үткәненә күчерде, дөрес җавап өчен тамашачылар акция эмблемасы төшерелгән истәлекле һәм татлы призлар алдылар. Барлык катнашучыларга истәлеккә “Кино төне” флажоклары тапшырылды.
2019 елда “Домовой” фильмы (режиссеры – Евгений Бедарев) интернет тавыш бирүдә беренче урынга чыкты. Аннан соң тамашачылар режиссер Андрей Волгинның “Балканский рубеж” картинасын карадылар. Акция азагында тамашачыларга Илья Куликовның “Полицейский с Рублевки. Новогодний беспредел” фильмы тәкъдим ителде.
“Кино төне” Бөтенроссия акциясе 2016 елда старт алды, һәм күчмә мәдәни үзәк менә инде 4 ел рәттән шәһәребез тамашачыларын ил кинематографының иң яхшы яңа иҗат җимешләре белән сөендерә.
Нелли Иванова,
күчмә мәдәни үзәкнең сәнгать җитәкчесе,
Наталья Маликова,
күчмә мәдәни үзәк мөдире
Наталья Маликова фотосы
Следите за самым важным и интересным в Telegram-каналеТатмедиа
