Данир Сабировның "УНИКС" залында барган тамашасын өзгәннәр
Шартлаткыч җайланма куелу турында шалтырату сәбәпле, Данир Сабировның концертын туктатканнар.
Кичә кич Казанда «УНИКС» концертлар залы бинасыннан меңгә якын кешене эвакуацияләгәннәр. Билгесез кеше телефоннан шалтыратып, бинага бомба куелу турында хәбәр иткән.
«УНИКС» мәдәни-спорт комплексы бинасында шартлаткыч җайланма булуы турында хәбәр Данир Сабиров концертында тәнәфес вакытында килгән. Комплекска оператив рәвештә барлык экстрен хезмәтләр җыелган.
Бинадан меңгә якын кешене һәм 150 хезмәткәрне чыгарганнар.
Гадәттән тыш хәлнең сәбәпләре ачыклана.Данир Сабиров концерт өзелгән өчен гафу үтенгән. «Саперлар эшләп бетергәч, керәчәкбез. Гафу үтенәм көтелмәгән хәл килеп чыкканга», — ди җырчы һәм юмор остасы.
Следите за самым важным и интересным в Telegram-каналеТатмедиа
