Бөгелмәнең Техника йортында «Яңарыш-Возрождение» I шәһәр халык иҗаты фестивале узды

15 ноябрь көнне Техника йортында Бөгелмә муниципаль районы башкарма комитетының мәдәният бүлеге ярдәме белән «Яңарыш-Возрождение» I шәһәр халык иҗаты фестивале булып узды. Фестиваль программасында халык гореф-гадәтләре, борынгы йолалар күренешләре, җырлар, биюләр һәм уеннар күрсәтелде.

Н. В. Сазонова җитәкчелегендәге «Прялица» халык фольклор ансамбле «Сватовство на Покров» йоласын тәкъдим итте. Аның энтузиазмы һәм борынгы рус йолаларына һәм бәйрәмнәренә чын мәхәббәте 15–80 яшьлек кешеләрне берләштерде. А. А. Жернаков җитәкчелегендәге Украинаның «Водограй» халык фольклор ансамбле туй калачына камыр басу йоласы белән таныштырды. Анда калач пешерүчеләрнең тату эше булачак яшь гаиләнең бердәмлеген һәм өзелмәс бәйләнешен символлаштырды. «Орчык өмәсе – Праздник веретена» борынгы татар йоласын, аның нигезендә сарык йонын бергәләп эшкәртү гореф-гадәте ята, Л. В. Габдрахманова җитәкчелегендәге «Ихлас» халык фольклор ансамбле күрсәтте. Фестивальнең дебютанты «Яңарыш» фольклор коллективы булды (җитәкчеләре – Г. А. Рыжова һәм Н. В. Антонова). Коллектив печән чабу чорында авыл тормышыннан күренешләр тәкъдим итте.

«Яңарыш-Возрождение» фестивален оештыручылар ул традициягә әверелер һәм, шул рәвешле, җәмәгатьчелекнең игътибарын халык мәдәниятен торгызу һәм саклау темасына җәлеп итәр дип өметләнә.