Бөгелмә театры артистлары үз тамашачыларына ике спектакль тәкъдим итәчәк
Мәдәният

Бөгелмә театры артистлары үз тамашачыларына ике спектакль тәкъдим итәчәк

1 декабрьдә Бөгелмә театры гастрольләргә китә.

Бөгелмә театрының иҗат төркемен бик бай көннәр көтә. Бу атнада артистлар үз тамашачыларына ике спектакль тәкъдим итәчәк. 21 ноябрь – "Долгожитель" комедиясе, 22 ноябрь – «Казанское полотенце» музыкаль комедиясе. Ә менә киләсе атнадан вакыт давыл сыман очачак, көннәр вакыйгаларга бай булачак.

Җомга көнне, 27 ноябрьдә, «Божьи одуванчики» комедиясе күрсәтеләчәк. Шимбә көнне – Әлмәткә «Казанское полотенце» белән бару, якшәмбе көнне туган сәхнәдә «Танцы на праздник урожая» драмасы уйналачак.

Ә 1 декабрьдә Бөгелмә театры гастрольләргә китә. «Һөнәр» яшь режиссура фестивале кысаларында, Казанда «Кече шәһәрләр театрлары» проекты чараларына куелган «Танцы на праздник урожая» драмасын күрсәтәчәкләр.