Бөгелмә районында клуб сезоны ачыла

Яңа иҗат сезонын ачу - ул, барыннан да элек, бәйрәм - тамашачылар өчен генә түгел, үзешчән артистлар өчен дә. Бу - төрле яшьтәге, төрле мәнфәгатьләр һәм мавыгулар өчен төрледән-төрле программа тәкъдим ителгән мәдәният тармагы потенциалы һәм перспективалары күрсәткече. Әлеге бәйрәмдә “Үзәкләштерелгән район  клублар системасы” эшчәнлегенең барлык төрләре: вокал, бию, театр, фольклор, декоратив-гамәли иҗат коллективлары һәм кызыксынулар буенча клублар катнашачак. Алар тамашачылар өчен концерт программалары, күргәзмәләр һәм мастер-класслар тәкъдим итәчәк. Авыл халкы үзешчән сәнгатьтә катнаша һәм клубларга яңа иҗат елында языла ала. Шулай ук иҗади сезонны ачу тантанасы студиядә һәм район клуб учреждениеләре халык иҗаты коллективларына яңа талантлы башкаручылар һәм осталар җәлеп итәчәк. Алда Бөгелмә районы халкын авыл мәдәни-ял итү учреждениеләрендә кызыклы чаралар көтә. 

Эльвира НУРГАЛИЕВА, 

 “Үзәкләштерелгән район клублар системасы” МБУ методисты

Автор фотосы