Бугульминская газета

Бөгелмә районы

16+
Рус Тат
2024 - год Семьи
Хокук һәм вәзгыять

Рөстәм Миңнеханов Сызрань янындагы куркыныч авариягә бәйле рәвештә кайгы уртаклашты

Фаҗигадә 12 кешенең гомере өзелгән, аларның барысы да – Ульяновск өлкәсеннән.

Татарстан Президенты Рөстәм Миңнеханов Самара өлкәсендәге авариядә һәлак булган 12 кешенең туганнары һәм якыннарының кайгысын уртаклашты.

ТР Президентының матбугат хезмәте хәбәр иткәнчә, телеграмма Ульяновск өлкәсе губернаторына адресланган.

«Барлык татарстанлылар һәм шәхсән үз исемемнән Сезгә һәм Ульяновск өлкәсендә яшәүчеләргә Самара өлкәсендә пассажир автобусы белән килеп чыккан коточкыч фаҗигагә бәйле рәвештә кайгы уртаклашу сүзләре белән мөрәҗәгать итәм.

Ихлас күңелдән кайгы уртаклашабыз һәм автокатастрофа нәтиҗәсендә үзләренең туганнарын һәм якыннарын югалткан Ульяновск өлкәсе халкына безнең теләктәшлек сүзләрен тапшыруыгызны сорыйбыз, хәзерге вакытта хастаханәдә булган пассажирларның тизрәк терелүен телибез», - диелә телеграммада.

ТАСС агентлыгы хәбәр иткәнчә, берничә кешенең үлеменә китергән авария җомга кичендә М-5 «Урал» федераль автомобиль юлының 873нче чакрымында, Самара өлкәсенең Заборовка торак пункты янында булган. Биредә йөк автомобиле, җиңел машина һәм рейс автобусы бәрелешкән. Россия Тикшерү комитеты мәгълүматлары буенча, авариядә 12 кеше һәлак булган. 

Чыганак: "Татар-информ"

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса
2
X