Лениногорск полицейскийлары наркотиклар ташучы бөгелмәлене тоткарлаган

Лениногорск шәһәре полицейскийлары бөгелмәлене тыелган матдә белән тоткарлаган.

Оператив эзләү чаралары барышында Россия Эчке эшләр министрлыгының Лениногорск районы буенча бүлегенең наркотиклар әйләнешен контрольдә тоту бүлеге хезмәткәрләре тарафыннан Лениногорск-Чирмешән автомобиль юлында Бөгелмәлене тоткарланган.

Тикшерү барышында оперативниклар 45 яшьлек ир-атта билгесез матдәле төргәк тапкан. Төргәкне экспертизага җибәргәннәр. Тикшеренүләр күрсәткәнчә, анда 2,03 грамм авырлыктагы метилэфедрон синтетик наркотик булган.

Әлеге факт буенча РФ Җинаять Кодексының 228 маддәсенең 2 өлешендә каралган җинаять составы билгеләре буенча "наркотик чараларны законсыз сатып алу, саклау, ташу, әзерләү, эшкәртү"буенча җинаять эше кузгатылган.