Исерек бөгелмәле идәндә йоклап яткан иптәше өстенә шкаф аударып үтергән.

Бөгелмә җинаятьчеләрне эзләү хезмәткәрләре 38 яшьлек ир-атның үлеменә китергән фаҗигале инцидентны тикшергән. Башта зыян күрүчене агулануга шик белән хастаханәгә китергәннәр, ләкин соңрак үлемнең җәрәхәт нәтиҗәсендә килеп чыкканлыгы ачыкланган.

Оператив-эзләү чаралары барышында ачыкланганча, фаҗигагә бер көн кала ир-ат дуслары белән алкоголь эчеп вакыт үткәргән. Идәндә йоклап киткәч, ул шкаф астында кала, аны, кәрәзле телефонын алырга теләп, бер дусты очраклы рәвештә аудара.

Булган хәлгә карамастан, компания зыян күрүченең сәер хәлен сизгәнче һәм ашыгыч ярдәм чакырганчы спиртлы эчемлекләр эчүне дәвам итә.
Шикләнелүче ачыкланган һәм үз гаебен таныган, дип хәбәр итә Бөгелмә районы буенча Эчке эшләр министрлыгы матбугат хезмәте.

Үлем факты буенча саксызлык аркасында үлемгә китерү маддәсе буенча җинаять эше кузгатылган. Тикшерү дәвам итә.