Хокук һәм вәзгыять
Бөгелмәле 18 млн сумлык хезмәт хакы түләмәгән
162 хезмәткәр түләүсез калган.
Татарстан прокуратурасы Ключи авылының 54 яшьлек кешесенә карата җинаять эше буенча гаепләү бәяләмәсен раслады. Ул РФ Җинаять Кодексының 145.1нче маддәсенең 2нче өлеше (хезмәт хакын түләмәү) буенча гаепләнә.
Тикшерү вакытында, 2024 елның гыйнварыннан сентябренә кадәр «Айрон» ҖЧҖ директоры һәм гамәлгә куючысы буларак гаепләнүче оешма хезмәткәрләренә хезмәт хакын түләмәгән. Нәтиҗәдә 162 хезмәткәр алдында 18 млн сумнан артык бурычлы булган.
Җинаять эше асылы буенча карау өчен судка җибәрелгән.
Следите за самым важным и интересным в Telegram-каналеТатмедиа
