Бөгелмәдә шәхси мунча янган: янгын сүндерүчеләр утны тиз арада сүндергән

Үткән якшәмбедә 14:28 сәгатьтә «Глонасс-112» системасы аша 64 нче янгын сүндерү-коткару бүлегенең элемтә пунктына Бөгелмә шәһәре, Краснослободская урамындагы шәхси мунчада янгын чыгуы турында хәбәр килә.

Янгын сүндерүчеләр килеп җиткәндә, мунчаның бөтен мәйданында ачык ут януы күзәтелә. Коткаручыларның җитез һәм дөрес хәрәкәтләре нәтиҗәсендә, янгын тиз арада сүндерелә, зыян күрүчеләр һәм һәлак булучылар юк.

Янгынның якынча сәбәбе — мич җиһазларын кулланганда янгын куркынычсызлыгы кагыйдәләрен бозу.

Бөгелмә муниципаль районы буенча күзәтчелек эшчәнлеге һәм профилактика бүлегенең өлкән инспекторы, эчке хезмәт лейтенанты В.С. Әхмәдуллина халкыбызга мөрәҗәгать итә һәм мичләрне, мунча җиһазларын кулланганда янгын куркынычсызлыгы кагыйдәләрен катгый рәвештә үтәргә кирәклеген искә төшерә.