Бөгелмәдә полиция хезмәткәрләре серияле каракны тоткарлаган
Полиция бүлегенә күп фатирлы йортларда яшәүчеләрдән подвал биналарыннан милек урлау турында гаризалар килгән.
Уздырылган оператив-эзләү чаралары барышында Россия Эчке эшләр министрлыгының Бөгелмә районы буенча җинаятьчеләрне эзләү бүлеге хезмәткәрләре җинаять кылуда шикләнеп 37 яшьлек җирле кешене тоткарлаган.
Җинаятьченең асылмалы йозакларны зарарлавы һәм шәһәрнең берничә йортының подвал бүлмәләренә үтеп керүе ачыкланган. Төрле төзелеш коралларын урлаган.
Моннан тыш, тәрәзәне ватып, ир-ат әнисенең фатирына керә һәм перфоратор, шуруповерт һәм магнитоланы урлый. Шикләнелүчедән урланган милекнең бер өлеше тартып алынган, калганын ул сатарга өлгергән.
Тикшерү чорына суд тарафыннан фигурантка читкә китмәү һәм тиешле тәртибе турында язылу рәвешендә чик кую чарасы сайланды.
Тикшерү органнары Россия Федерациясе Җинаять кодексының «Урлау» 158нче маддәсендә каралган җинаять билгеләре буенча җинаять эшләре кузгаткан.
Полиция хезмәткәрләре тоткарланучының хокукка каршы эшчәнлекнең шундый ук эпизодларына катнашы барлыгын ачыклый.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
