Бөгелмәдә йорт янган

16 майда «Глонасс-112» системасы аша 64нче янгын сүндерү-коткару бүлегенә Дмитрий Фурманов урамындагы шәхси бүрәнә йорт януы турында хәбәр килә. 

Һәлакәт урынына килеп җиткәч, янгын сүндерүчеләр янгынның бинаны тулысынча чолгап алуын ачыклаган. Янгынның күрше биналарга-хуҗалык корылмаларына һәм мунчаларга таралу куркынычы була. Янгын сүндерү хезмәткәрләрен каршы алган күршеләр йорт эчендә хуҗа хатын булырга мөмкин, дип хәбәр итәләр. Тышкы агач ишек ачык була.

— Сүндерү процессында коткаручылар янган хатын-кыз гәүдәсен тапканнар. Янгын нәтиҗәсендә гомуми мәйданы 54 квадрат метр булган йорт янып беткән. Янгынның башлангыч сәбәбе — тәмәке тартканда саксызлык, — дип хәбәр итте Бөгелмә МР буенча Эчке эшләр бүлеге һәм ПР бүлеге тикшерүчесе эчке хезмәт лейтенанты Карина Набережнова.

ФОТО: 64нче янгын сүндерү-коткару бүлеге архивыннан.