Хокук һәм вәзгыять
Бөгелмәдә яшәүче исерек килеш автомобиль йөрткән өчен тоткарланган
Форд Эскорт автомобиле җинаять кылу коралы буларак дәүләт файдасына конфискацияләнгән.
Шәһәр прокуратурасы 42 яшьлек җирле кешегә карата җинаять эше буенча дәүләт гаепләвен хуплады. Суд аны РФ Җинаять кодексының 264.1нче маддәсенең 2нче өлеше буенча гаепле дип тапты (административ җәзага тартылган яки хөкем ителгән зат тарафыннан исерек хәлдә транспорт чарасы белән идарә итү).
Судта ачыкланганча, 2025 елның ноябрендә шундый ук җинаять өчен хөкем ителгән ир-ат исерек хәлдә Форд Эскорт маркалы автомобиль белән идарә иткән. Ягофаров урамындагы 30б нчы йорт янында ул дәүләт автоинспекциясе хезмәткәрләре тарафыннан туктатыла. Машина йөртүче исереклек халәтен тикшерү процедурасын узудан баш тарта.
Суд гаеплегә катгый режимлы төзәтү колониясендә бер ел ирегеннән мәхрүм итү рәвешендә җәза билгеләде. Өстәмә рәвештә аны дүрт елга транспорт чаралары белән идарә итү белән бәйле эшчәнлек белән шөгыльләнү хокукыннан мәхрүм иттеләр.
Суд карары законлы үз көченә кермәгән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Оставляйте реакции
