Бөгелмә районының Вязовка бистәсендә сарай янган
Янгынның башлангыч сәбәбе ачыклана.
2025 нче елның 5 августында 16 сәгать 27 минутта «Глонасс-112» системасы буенча 64нче янгын сүндерү-коткару бүлегенә авыл кешесеннән, Вязовка авылы, Полевая урамы адресы буенча сарай януы турында хәбәр килә.
«Янгын урынында шундый вәзгыять була: бөтен мәйдан буенча сарай яна, беркем дә ярдәм сорамый. Янгынның күрше биналарга таралу куркынычы булмый», — дип сөйләде Бөгелмә районы буенча күзәтчелек эшчәнлеге һәм профилактика эшләре бүлегенең өлкән инспекторы, эчке хезмәтнең кече лейтенанты Вероника Әхмәдуллина.
Янгын нәтиҗәсендә сарай тулысынча юк ителә. Һәлак булучылар һәм зыян күрүчеләр юк. Янгынның сәбәбе ачыклана.
ФОТО: 64нче янгын сүндерү-коткару бүлеге архивыннан.
Следите за самым важным и интересным в Telegram-каналеТатмедиа
