Бөгелмә районында рөхсәтсез төзелеш калдыклары чүплеген бетергәннәр
ТР Экология һәм табигый байлыклар министрлыгына «Халык контроле» системасы аша Бөгелмә районында яшәүчеләрдән сигнал килгән.
Гражданнар Иске Исаково авылы территориясендә төзелеш калдыкларын рөхсәтсез урнаштыру фактлары турында хәбәр иткәннәр, дип хәбәр итә ведомствоның матбугат хезмәте.
Министрлыкның Көньяк-Көнчыгыш идарәсе инспекторлары тиз арада урынга чыгып, тимер-бетон һәм төзелеш кирпеченең законсыз ташлануын теркәгәннәр. Чүплекнең мәйданы якынча 1,2 мең кв.метр тәшкил иткән, ә калдыклар күләме — бер метрга кадәр биеклектә 600 кубометр тирәсе.
Тикшерү нәтиҗәләре буенча Иске Исаково авыл җирлеге башкарма комитетына хокук бозуны бетерү таләбе белән дәгъва юлланды. Хәзерге вакытта санкцияләнмәгән чүплек тулысынча бетерелгән.
ФОТО: ТР Экология һәм табигый байлыклар министрлыгы матбугат хезмәтеннән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Оставляйте реакции
