Бер-бер артлы үлгәннәр: чокырда 5 кешенең һәлак булуы турында мәгълүматлар

Тикшерүчеләр Воронеж өлкәсенең бер бистәсендә булган фаҗига шартларын ачыклый, анда берьюлы биш кеше, бала коткарырга омтылып, шакшы су чокырында батып үлгән.

Башлангыч мәгълүматлар буенча, 2 яшьлек кыз шәхси йорт ишегалдында уйнаганда, канализация люгы капкачына баскан, ә ул ачылган һәм аска төшеп киткән. Шаһитларның сүзләренә караганда, туганнары һәм күршеләре сабыйга ярдәмгә ташлана һәм аның артыннан чокырга сикерәләр.

"Кем беренче төшеп китте, белмим. Аның артыннан ярдәмгә дип – икенчесе, өченчесе... Ә анда газлар бар икән. Һәм, әлбәттә, кешеләр бер-бер артлы үлә башладылар", - дип сөйләде шунда яшәүче Иван Сумин.

Башта әнисе, аннары 8 яшьлек апасы, аның артыннан әтисе, ә аннары күршеләре сикереп төшә. Ике бала, шулай ук өлкәннәрдән өч кеше һәлак була, бер ир-ат кына исән кала – ул да метан белән агуланган һәм хәзер  авыр хәлдә хастаханәдә ята. Гаилә күп балалы булган: ир белән хатынның тагын ике кызы бар, алар хәзер ятим калган. Алар турында әлегә түтиләре кайгырта.

Чыганак